مجموعه روجا، روجا

 توضیح بر چاپ دیوان روجا 

مجموعه ی اشعار مازندرانی ( طبری) با نام روجا در سال ۱۳۶۴ که در غیاب من با برگردان بد فارسی و مغلوط و اعراب گذاری های نا درست در پایان کتاب مجموعه اشعار نیما یوشیج  با قید (با نظارت شراگیم یوشیج ) به دروغ و با تبانی و خیانت بدون مجوز قانونی و اخذ اجازه توسط انتشارات نگاه چاپ و منتشر شد که موجب اعتراض دوستداران نیما و اهالی عزیز مازندران گردید که ناشر در چاپ های بعدی و سود جوئی های مکرر از چاپ دوباره آن منصرف شد .
اما چند سال بعد همین مجموعه توسط شخصی به نام مجید اسدی که دستنوشته اصلی و خطی روجا را نمی دانم بچه دلیلی دردست دارد و می گوید از طاهباز خریده ست اقدام به چاپ دوباره روجا می نماید که بار دیگر مغلوط به چاپ می رسد. چند سال بعد توسط شخصی از اهالی بهشهر مجموعه روجا را مغلوط چاپ و منتشر می نماید که باز به دلیل نداشتن سواد کافی و عدم توانائی و به قصد سود جوئی کتاب مغلوط منتشر می شود.
لذا من بنا بر تقاضای دوستداران مازندرانی و همشهریان عزیز مازندران بدون در دست داشتن دستنوشته ی اصلی و خطی اقدام به بازنویسی و اصلاح این مجموعه کرده ام که انتظار دارم تا دوستداران نیمای بزرگ که به زبان مازندرانی و گویش نوری تسلط دارند  مرا در اصلاح و اعراب گذاری این اشعار حمایت و همراهی کنند بنابر این آنچه از نظرتان می گذرد نمونه ئی از این کتاب ست که  با تمام سعی و توان در حفظ و نگاهداری این میراث فرهنگی می کوشیم ، باشد تا تاریخ این خیانت را قضاوت کند.                                                           شراگیم یوشیج

تعدادی چهار پاره  از دیوان روجا به زبان طبری

۱.

پِی ئی بَئیتِه روج، نِشونه دینِه              روجا کِه رنگ باردنیه، شورِپینِه

دم کِه منِ جِ وِ بِیاد اینِه                       روجا گِمِه سخن سخنِ زینِه

۲.

بَکِتِه سوجَهونِ چش خواربَوِیِه             نیما شِه اَسبهِ سَر سُوار بَوِیه

خُو دیمه هادا تَلا ویشار بَوِیِه                پِرِسین بوریم روجا ایاربَوِیه

۳.                                     ****

روجا اتّه بَسوتِ خانمونِه                   اوندم کهِ وشن وِ روجِه نشونِه

ایارنیاراَرهِ مِه  دلِ خُونِه                     شویِ میون مِه راهِه رهنمونِه

۴.                                    ****

بُوردِمِه شهربَدیمِه شیخ وشابِه               بَدیمهِ هزار بدکار وُ ناصوابِه

بیمومِه دیه بَدیمِه دیه خرابِه                  زِخونِه خلق مَسِّه چِشِه اربابِه

۵.                                    ****

مِه یاربِشتِه شِه لینگ مِه شونگِ سَر        بُومه لو بوردهِ  بیتِه بومِ سرپَر

بوتِه هارِشین سیومَردی رِ می وَر            نَتونّه بیه وی می وَر بُومِه سَر

۶.                                    ****

آدم دَرهِ که ونِ دل دَریوئهِ                      دَریو وی فکرجولی و پَهنوئه

آدم دَرِه کِه اتّا خُرده جُوئه                       بَلوبه دَسّ بِفکرِشِه بَلوئه

۷.                                    ****

آدم دَرِه کِه وی سَحرِ پینِه                     شویِ دِله یِ رَه گذرِ پینِه

آدم دَرِه کِه وی شِه درِپینه                    اتّا کهسار وُ اتّا خَرِ پینِه

۸.                                    ****

مازرِونِ دیوه اما گَتِه نُوم هَسِّه           رستم بِحیله دیوه دَسِّه  دَوِسِّه

دیوهِ خوندون آفتاب پَرَسِّه                   زَرتش به کینه بد بِوی دَوَسِّه

۹.

اسپید دِو گنی کی وِ تی جَد وِ             پارین دَکاشت فِک گنی وِ قَد وِ

هزار وِیِ اتّا نَوِ نا سَد وِ                   وی زَرتشِ گَپ و بَئوتِ سَد وِ

۱۰.                                    ****

دیوِهِ سخَن می جا نَپرس درازِهِ            هرچی بوَام می سخَن آغازِهِ

اَنّی گُمِهِ کهِ تو گنی هَرازِهِ                  اَنّی خُومِّهِ کهِ پندارنی اَوازِهِ

۱۱.                                   ****

کا وی وَرکا  گسَن نَوُونِه                       نَساتِ خِنه وی کهَن نَوُونِه

کُتی کهِ کوه نَوی بَن نَوُونِه                   لال وغول مَردی خوش سخَن نَوُونِه

۱۲.                                      ****

زنگی وَچه شِ چِشِ تُو نَدِه تو              بِنِه روز تَش اما رِهِ  خُونَدِه تو

خیال منی رِهِ راهرو نَدِه تو                  نایش میرمِهِ من اَندُ نَدِه تو

۱۳.                                      ****

خنه رِهِ تَش هادامِهِ شِ دَسِّهِ جا              مَرتِمِه هادامِه اِتی تماشا

کلینِهِ سَرهِ اسّا در کمِّهِ کا                     شَمِّهِ شِهِ دَنّنِ کارمِ هَسِّکا

۱۴.                                     ****

مَردی بیمو شِهِ فانوسِ بَکوُشتهِ           چُو بَیتِه تَش وُ کُلینِ بَروُشتِه

می یارشِهِ چَمِلی تِلِمِهِ بَئوشتِهِ              می دل می خیال بیمو بَهوُشتِهِ

۱۵.                                    ****

سیوهارِشووی دسِّ چَنگِلی              وی اَتّا میس دَپاتِهِ  تَل هَلی

زَنِّ مِرِ شِهِ دَرشونِهِ  کَنگِلی           تَل هَلی خورمِهِ زَمِّهِ وَلوِلی

۱۶.                                   ****

کرکوی کهِ اینِهِ بال کَشنِهِ اُویِهِ سَر             نَمونِّهِ وی مِهِ دِله شَنِّ پَر

جمنّ شی خُوتِهِ  اِتی برابر                       کهِ گنی بُوردِهِ نسّاءِ تُنِ وَر

۱۷.                                 ****

بَدیمِهِ سَرجوروُسَرجِرِعالم                   وی کَم ویهِ ویشهِ تروی ویشهِ وی کم

دَنی وُ زِندِگونیِ اَتّا دَمهِ                           آغاز وِنی شادی وُ آخرغمهِ

۱۸.                                   ****

می پیر کووای بَوینی مِهِ روزگارِهِ               پَئیز مونا بَکَتهِ  پیِ وِهارِهِ

دلیرِ شیر شالِ وَر دِچارِهِ                      می پیر کووای کهِ بشنُوئی مار مار

۱۹-

تَلی بیمو تی بُوم وُ در بَایتِ                    تی گوگ وُ گو رِ جانور بَایتِ

کَلاج شِنِ کلی رِ سَر بَایتِ                     جَهونِ تَش خشک وُ تَرِ بَایتِ

۲۰-

ارزا دَکاشتِمِ شِ تیمِ جارِ                       وهار هاکِردمِ دارِ اَجا رِ

تیم جارِ وَر نَدیمِ هیچ بارِ                      دارِ پَره بَخُوشتِ جُونِکا رِ

۲۱.

گِلَم گِلَم می نازِنین جُونِکا                                        کلاج کلاج می گِسَن وَرکا
دِنی می تَپ، وِنِ میون می لِتکا                               ری ری کِمّه دَر کِمّه من تَپ کا
۲۲.
زاکون زاکون اَمی گوگِ بیارین                              بَئو بیمُو پیرار بَئو و پارین
دِهاج بَوِردِه اِسا وِی خواینِ بالین                          چَپر نُوشین هاپا وین وِرِ دارین
۲۳.
شُویه میوُن دَنّوُن شُورنِ سِتاره                          لِتکا گیرنِه دَریویِ کِنار کِنارِه
اَتّا دَره جُمِه رِ کِنّه پاره                                       اَتّا دَره وِنَر دُوجِنّه دُوبارِه
۲۴.

سیُو مِه بیمُو می بُوم وُ دَرِ بَایتِ بَئیتِه                   دریوُیِ اُو می راه گِذَرِ بَایتِ بَئیتِه
می دِل مِنِ بِشتِه شَ پَر بَایت بَئیتِه                       شِ دَرد داستُونِ سَر بَایتِ بَئیته

۲۵.
بَخُوردِه اُو بَایتِ وا بیاردِه                             خُجیرِ کیجا هارِش چی ها بیاردِه
گِتی اَمی کیجا صَفا بیاردِه                                 صَفا نکرد اَمِرِ جفا بیاردِه
۲۶.
دینِه مَردی بَکاشتِه تیمِ جارَک                    اُو هادا داشتِ وِرِ چی خوارَک
وِشکِتِ گِل نَخُوردِه وِی انارَک                       بَکِّنی دیم هادا وُنِ مارَک
۲۷.
شُو بُو نَشو غَم بُو دَواش مِنِ وَر                    پیت کَله جان بِرُو مِ وَر بَئیر پَر
نی زَن بَخون طبری نیمای وِسَه                         ر بَوریتِ یار دَرنّی مِه جگر
۲۸.
بی پَر و بال چی مِرغِ زارِ زارمِه                     چَنگِل زَمِّه دودوک کَشمو چی کارمِه
مِنِ دَکاشتِ خان وَرنِ شَ نارمِه                         اَنّی مِن کارمِ هارِش چی بی عارمِه
۲۹.
کیجا نِشتِه کو هارِشِم وُنِ دیمِه                         وُرِ نِایشِم گِنه چَنّی لَئیمِه
شُومِ بُورَم گِنه مِ دِل دو نیمِه                            اِیمِ پِی ای کِنّه گِنِه مِن نیمِه
۳۰.
ریکا گِنه کیجایِ چِش چی مَسِّه                         کیجا گِنه ریکا چی خارِک هَسِّه
ایشنِ خواینِ وِ دَس قفل دَبَسِّه                            دارنِ شِه دِلُ نارنِ گِنی دَسِّه
۳۱.
بَلِ میوُن بَلیج کیجا رِ هارِش                          هَلی نَچی لینگ و شَلوارِ هارِش
خَنِّه کِنّه وِنِ وِهارِ هارِش                                  پِی ای گیرنِه وِنِ ادا رِ هارِش
۳۲.

کیجا کیجا تِه مَسِّه چِشِ دا مِن                        هر جا بُوری اِیمِه به تِه کَفا مِن

چی وُونِه بَوینِم اَتّا صَفا کِنّه                        چی وُونِه هاکِنِم اَتّا وَفا مِن
۳۳.
بافِت ویمه بَدیمِه شانه دَشتِ                           مِه یار کیمِه وَر شَمالِه وَشتِ
وِ چِش چِش مِه دِمّال دَوِه گَشتِ                        کوه و دمن بهشتِ سرگِذشتِ
۳۴.
اَلُو مِجِش جِریک بَزوُ دَر بُوردِه                       اِتی اَتّا چَمِلی کُوتَر بُوردِه
وِی گُتِ مِرِ مِن گُتِمِه وِرِ بُوردِه                       بُوردِمِه هارِشِم مِه عِمر یَکسَر بُوردِه
۳۵.
یاروُن مِه یار مِه یار وُ یار نَووُنِه                          سُومایِ دِلِه مِه نُو هِدار نَوُونِه
نیما شِه چَر کار سُوار نَوُونِه                            هَر چی وُونِه وِ کار خوار نَوُونِه
۳۶.
مِه باغِ سی اُو دارنِ اُو نَخوایمِه                        شَ مُونک دارمِه مُونک شُو نَخوایمِه
گُتی بِ تَشَر اِسّامُو دو نَخوایمِه                          ویشارمِه مِن بِرُو کِه خُو نَخوایمِه
۳۷.
مِن خال شُومِه تیرِنگ مِه خالِ گیرنِه                    غَلا هاکِردِمِه یار سوآلِ گیرنِه
نیشتِ مِنِه ایشنِه مِه فالِ گیرنِه                           مِه غم هَسُّه مِه عِمر وُ سالِه  گیرنه
۳۸.
جُوونی دَر شُونِه مِنِه وِهار کو                     مِنِه چِش کِه اَسری شَنِّ لالِه زار کو
گُواِن بیمونِن گُوگِ زااُون گُودار کو                    کِلِم بُوشا مِه اَسپه بیمو سُوار کو
۳۹.
تاریکِ شُو دِهاجِ سَر جِمِسِّ                           وَنگ هادامِه اَتّا کُوتَر جِمِسِّ
بال بَزُومِه وِ بال وُ پَر جِمِسِّ                             هیچ چی نَوِ مِ دِل مِ وَر جِمِسِّ
۴۰.
کیجا بُوردِه بُوشااُ شِنِه لارِ                               دیار بَدیمِه وُنِه چَک وُ پا رِ
بُوتِه کی نِینِ بُوتِمِه وِرِ تِه مارِ                         کَشِه خواینِه بَزِنِه شِه کیجا رِ
۴۱.
بیاویمِه شِه دال بَزِه پاوِزارِ                          رنگ باردنیمِه شِه پیت وُ پا رِ

جانون نیمو نَدیمِه شِه دلدارِ کُور                    مِه دییَر شِه خوار هاکِرد قَبا رِ

۴۲.
بَوری لینگ وی پاوِزار نارنِه                       باغ کِو بَسُوتِه هَلی دار نارنِه
خرابِ تیمجار پاکار نارنِه                             خُوموش نَوُونِه یار کِو یار نارنِه
۴۳.
وَلِ باری شُونِه تا نُو کینِه کَج                        سیف کِو بَچی بَوِیِه دَچی وُ رَج
نادُون چی اَهلِ مازِرون چی ساوِج                  چی کَلاگر چی بَسود وُونِه چی آش پَج
۴۴.
لیازِ سَر بَدیمِه اَتّا گِلِ                                         زَرین وِلَشت قَرمِز وِنِه کاکِلِ
مو دَرِ مَه می یاد بیمُو شِ بِلِ                               سُومایِ میوُن بَایتِ شِه دِلِ
۴۵.
کیجا تِه خوارَک گِردِ رویِ دا مِن                             تِنِ نیشوُنِیِه تیرِ بلا مِن
دولَت تِنی تِه دَر سَرِ گدا مِن                              مِه سر بِشکِن نَشکِن شِه عَهدِ با مِن
۴۶.
کُلِینِ بِن جاب هادامِه شِه تَشِ                               کیمِه یِ وَر شِه بی نَزِه کُلَشِ
کیجا بیمُو مِشت هاکردِه شِ                                  کَشِ وِ مار بیمُو بَوِردِه مِنِ تَشِ
۴۷.
گِلبِن چِشمِه ی اُو یاروُن چی خوارِه                                     گِلبِن چِشمِه شُونی ویننی گِلزارِه
گِل اُو گیرنِه اُو شَنِّ شِه کَلا رِ                                           مِن اُو خُورمِه چِشِ بِن ایشمِه گِلنارِ
۴۸.
وُشا این سُو کِو وی گُتی بَکُوشتِ                                      سیو دَریُو جانِوَرِ بَهُوشتِ
داروُن اَپِر شِیر وُ اَپِر بَخُوشتِ                                   شیطوُن بیمُو تَشِ سَرِ بَروُشتِ
۴۹.
دالَن دالَن کُو وِای دالَن مِ                          هَمدَم گُنِ اَجَل بیمُو بَایتِ مِه دَم
گُمِ اَجَل بیاردِه مِرِ مُوتَم                                   دالَن دالَن کُو وِای دالَن مِ هَمدَم
۵۰.
اَغُوزِ گِر سَر نِشکِنِّ شِه تُو رِ                        بَسوسِّ جِد نَوِرنِ وِی وَرزوُ رِ
اوسُوس چَر خُورنی اِشناسِمِ شَه تُو رِ              مِن تُو ویمُّه تُو وینِّ دِریُو رِ
۵۱.
اُندَم شَه خود رِ وی سیوُ هاکِردِه                   مِه هَسِّکا رِه مِه دل اُو هاکِردِه
شیطون بیمُو شِه رنگِ نُو هاکِردِه                      مِنُه وِرِ دَریُو پَرتُو هاکِردِه
۵۲.
بَخُوردِ اُو بَایتِه خیز بیاردِه                                مَزدَک وِیِه بُوردِه چنگیز بیاردِه
جانون بَوی مِرِ سِتیز بیاردِه                            مِه وَر باخِتُه وَگِ لیز بیاردِه
۵۳.
بَخُونِسُّه اوسُوس بیاردِه کیجا                          مِنِ بَوِردِه تِلاِ وَنگ دیرگا
اِسا کِو بیمُومِه بَویمِه تنها                                 مِن نیشتِمُه وی دَرِ کِنِّ تَپ کا
۵۴.
نامردِ دنی بَیتِه کیکایِ پَر                       وِ گِنکا گِلیک هائیتِه وِ وَر
گِنی چَر ایمِه چَر شُومِه تِنِ دَر                    گِزلیم هَسِّه مِه کار وُ کِرد یَکسَر
۵۵.
بُوتِه هارِش مِن هارشیمُه شُو بُوردِه                     مِه دَسِّ بِشکِس کَجِلیس اُو بُوردِه
خُو بَدیمِه کِو مِنِه مَهتُو بُوردِه                             اِسا کِو خوایمُه بافِسِم خُو بُوردِ
۵۶.
بُوتِه هارِش هارشیمِه شِ دِمالُ                         اَتّا کُوتَر بَدیمِه نارنِ بالُ
کِتی یِ سَر غَرا بَکُوشتِ شالُ                              دَرِسِّمِ نَدُومِه چَنّی سالُ

۵۷.
نیما پئ رِس کِو کارِوُون دَر شُونِه                        نازَر کوهِ سَر قَرمِز دَر وُونِه
اَفتُو چُمُر کِنُّ تِلا دَر خُونِّه                                 شُو کِو بُوردِه شِ نیکُ بَد کی دُونِّه
۵۸.
پیتِ مَه مِ نَخوایمِ مِن بَوارِم                            گَنِّم خوایمُ نَخوایمِ مِن دَکارِم
نیما گُنِه چی رنگ وِینِ بیارِم                              وَچِه نارمِ دَدار تَرسمِ دارِم
۵۹.
نِماشُومِ سَر کِو گُوگ هاداننِ مارِ                                  مِه پِر بُوتِه هارِش نیما دیرگا رِ
اِیمِ اَتی اِیشمِه شِه پِش وُ پَس کُهسارِ                              نَویمُّه مِن شِنِ بُوریتِ یارِ
۶۰.
بَخوُشتِ گَنِّم وی مازرارِ کُورنِ                                بَمِردِه تَن وی هَسِّکا رِ کُورنِ
خراب خِنه اِسپی تلا رِ کُورنِ                                 عاشِق کِو یار نارنِ سَما رِ کُورنِ

۶۱.
امیر گِنِ مِ دِل حاجی اَر غَم دارنِ                              نیما گِنِ مِ دِل تِ مُوتَم دارنِ
دِنی اگر هزار آدم دارنِ                                          جانِ امیر تِ جُور مِ جُور کَم دارنِ
۶۲.
خُو بَدیمِ شِ کالِ مازِرا رِ                                        وِنِ دِلِه اَتّا اِسپی تَلا رِ
اَتّا بَااُویِ زرد هَسِّکا رِ                                        کُلین بِنِه کُلین خُنیِ هَوا رِ
۶۳.
کومِج گِنِ مِ مِلک مِنِ سامونِ                                   مِ مازِرا جَهیزه ی اَشیونِ
شیطون چی دیار یا نیهونِ                                     وِ دیم جادو وِ دَم اگر اُوسونِ
۶۴.
نُوئی حِشمَت نُوئی سالار بَمِردِ                                   نُوئی ناکُوم نُوئی کامکار بَمِردِ
وِهار وِیُّ اَمی وِهار بَمِردِ مَردِ مَردُونِ روزِگار بَمِردِ
۶۵.
خوایمِ دُونِم نامَرد کِجو رِ ماسنِ                                             خوایمِ دُونِم کِنِ آبرو رِ ماسنِ
کِدیم کَسِ دَسِّ بَلو رِ ماسنِ                                          کِدیم لینگ دِلِه یِ تَلو رِ ماسنِ
۶۶.
تورِ قاطر سود دارنُِ دود نارنِ                                           بَخُوشت هیمِه داد دارنُِ دود نارنِ
گوگ وُونِ چُوخا تار دارنُِ پود نارنِ                                        بیدِلِ جَوون بُود دارنُِ بُود نارنِ
۶۷.
خوایمِ دُونِم کِی آدِمی گَت وُونِ                                     شِ پِشِ اِیشنِ خوار وُ بَکَت وُونِ
اَتِّ شیش نیِّ وِی اَتّا لَت وُونِ                                       اَتّا میس نیِّ وِی اَمّا گَت وُونِ
۶۸.
شِ لینگِ چَرمِ مِن شِ دال بَزُومِ                                   شِ سِرخان اَسپِ دَسِّ نال بَزُومِ
اِتی کُوتَر کِو شُونِ بال بَزُومِ                                        اِسا نَشُومُ زیادی بدفال بَزُومِ
۶۹.
وَچِه کِو وَشنا میرنِ کا نَخواینِ                                              اُونِ ماه کِو بیمُو کِرد لا نَخواینِ
دِل کِو شُونِ وی خونبَها نَخواینِ                                           جانون دارنِ این تا اون تا نَخواینِ
۷۰.
نامرد گِنِ مِن هر چه هَسِّ دُومِّ                                          مِن صدهِزار هِزارِ خَطِّ خُومِّ
الفِ هارِش کِو چَنّی خُومِّ                                                   غیَه کِنِّ گِنِ ایسا مِن شُومِ
۷۱.
نامرد نسیه خورنِ مِ دَسِّ رَنجِ                                            کیله کِنِّ اَمّار زَنِّ بِرنجِ
کَشِه گیرنِ شُو کِو فِسنِ تِرنجِ                                              مِنِ گِنِ کی کار نَکِرد ار گَنجِ
۷۲.
دِلَک مِنی نامَردِ دَس خُونِ                                      کِپِج گِنِ وی نیک و بَد چی دُونِّ
مَرتِمِ وَر وی گَپ اَتّا اُوسونِ                                     هر لَخِ لَه اِتی کِو مار شُونِ
۷۳.
نامردِ دِل هزار سِخ بَخُوردِ                                         راه روزِ لَه هزار مِخ بَخُوردِ
مِخ دارنِ وی سِخ دارنِ وی نَئُونِّ                              اوخ کِنِّ وی ایخ زَنِّ سِخ بَخُوردِ
۷۴.
هَرازمِ مِن نامرد مِ وَر اُو وَرنِ                                            اُو خُورنُِ می وَر وِرِ خُو وَرنِ
خُو بوسِّنی شِ تَنِ یَکسو وَرنِ                                              مِنِ نِشناسنِ مِنِ آبرو وَرنِ
۷۵.
ویشِه یِ وَر اَشُن تاریک بَوِیِّ                                       اسپِ خُنی راه باریک بَوِیِّ
وی سنگِ سنگ اِتی تِریک بَوِیِّ                                            می یار خینی بَوِیِّ زیک بَوِیِّ
۷۶.
هیچ خام نامرد اَر پاوزار نَوُونِ                                       هیچ راه وُنَر راهِ گُذار نَوُونِ
رَسِن بَیری وِرِ هِدار نَوُونِ                                              سِخ بَکِشی وِرِ قطار نَوُونِ
۷۷.
نامردِ گپ تَلی دارنِ کَرّادِ                                                دَنُّن وِنِ سیو کَر وُ چَکادِ
اُندَم کِو وینِّ تِنَر غم دِلشادِ                                                اُندَم کِو وینِّ تِرِ اسیر آزادِ
۷۸.
لوش کِلُمی گَتِ دروازِه نَوُونِ                                     کِلین بِنِه اِسپی رازِه نَوُونِ
بَخُوشتِ هَسِّکا تازِه نَوُونِ                                          نامردِ جُور تَلی سازِه نَوُونِ
۷۹.
نامرد نئیِ اُوندا کِو وی یار دارنِ                                    مردِ مَردون اَتّا اِتی بار دارنِ
نامرد اونِ کِو شِ خُودِ خوار دارنِ                                       چاپلوس وُونِ نَدونِّ چی کار دارنِ
۸۰.
مِ باغِ گِل واش واش بَسُوتِ                                       دَکِّل وی می گَپِ پاسِخِ نُوتِ
پردِه کِردِه ددارِ نازِ رُوتِ                                                     اِسا کِو پیرِ چِش بِمِن بَئُوت

۸۱.
ویشار نَوِیِّه اَنّی خُو هاکِرده                                         اَنّی نیمو کِو روجِ شُو هاکرده
مِ عِمرِ تُومُ مِ دِلِ اُو هاکِرده                                          مِ سادخوارِ تَنِ تُو هاکِرده
۸۲.
بَنِمُواِ صَواحی سَر شِ دیمَک                                      بیمُو مِنِ کَفا کیجا سلیمَک
کیمِه یِ در کِ بُوشا ویمِ نیمَک                                         دَر بُوردو بُوتِ نی اِیمِ تی کیمَک
۸۳.
جَوون کِ دونایِ تِ نُوم نیمِ                                          جَوون کِ هیچ نَپِرسی اَی مِن کیمِ
نِشناسی تُو مِ گل باغِ تیمِ                                             مِ ور اِینه اُوندم کِ مِن دَنیمِ
۸۴.
صالح حائری تِ سال عِمر دِراز وُو                                              کِهَن فَلک رِ تِ دَرِ سَر نِماز وُو
تِ دُوس نیما گُنِ گِردَن فراز وُو                                                     تَنِ بدخوا بَکوشت اِتی وَراز وُو
۸۵.
خُو بَدیمه جَهوُن اَتّا بِهِشتِ                                          شیطون بَکَت آفتاب خَنّون وَشتِ
گَدایِ دِل شادون وُ تُورِه مَشتِ                                     هر کس بِکار وُ کار پی وِ گَشتِ
۸۶.
نامَرد گِنِ اَج پول بارِ مِژدِ                                               مِلّا گِنِ اَج کِردگارِ مِژدِ
اَرباب گِنِ کِ در آزار مِژدِ                                                      یاریار زَمِّ مِنِ هزار مِژدِ
۸۷.
مِ پیرِ میراث دُونّی چی وِ                            مَردی وِ اَندُه وِ دِلسوجیِ همدردی وِ
صبح خواهون وِ آفتابِ زَردی وِ                               نیکون اَر گَرم با بِدُونِ سَردی وِ
۸۸.
شیطون بیمُو هَماسیِ مِ پا رِ                                  ویشِهِ وَر لُو بُوردِمِ توسکا رِ
نُوتِمِ دار وَرنِ مِنِ کِلا رِ                                               وَرنِ وی مِ بِنِه یِ سَر قَبا رِ
۸۹.
شیطون گِتِ چی یَر خواینی کیجا رِ                                دیم کِ هادی شِ پِش وینّی خِدا رِ
بَدیمِ دیم نَدا وِ سیوکا رِ                                                 هماسی وِ نازِنین گِلنارِ قَبا رِ
۹۰.
شیطون نییِ کآدَمِ وَشنا بِشتِ                                     نُوئی وِنَر آدم دور از بِهِشتِ
گَنِّم بَخُوردن شَ وِنِ سِرِشتِ                                     شیطون اُونِ کِ مَردِ وَشنا بِشتِ
۹۱.
اَشُون بیمُو مِ وَر هاپا مِ شیطون                                        بَوتِ پی رِس بَوین فِراوون
هیچ نُوتِمِ نُومید بُوردِ مِن خَنّون                                               یاروُن این وِ اَمی سِخَنِ پایُون
۹۲.
اوزیج گِنِ کِتی سَر آفتابِ زردی                                          مِن ویمِه مِنِ اَتّا بارِ پَردی
هَماسی مِ بالِ اَتّا مَردی                                              شُو بَوِیِ بُوتِ وِینِ هَمدردی

۹۳.
سَفر بُورِم مِ بِز غمخوار وُونِ                                          بَکِت وُونِ وِ روجِ تار وُونِ
سَفر نَشُومِ مِ غم بِسیار وُونِ                                           مِ بِز سادو زَنا بیمار وُونِ
۹۴.
اَلو آینه نیشتِ نِماز کِنِّ                                                 پَس لِه هزار سِتیز آغاز کِنِّ
دِرو دِرو وِ گُو آواز کِنِّ                                                     وِ وِرگِ هزار تک و تاز کِنِّ
۹۵.
بُوتِ بَپِّر بُوتِم کو نارمِ بال                                               بُوتِ بِرو بُوتِم کو نارمِ حال
بُوتِ چی وینّی بُوتِمِ شِ سوآل                                       بُوتِ بَسوح بُوتِمِ ها این مِ فال
۹۶.
آخون تِ دَسِّ چُو عصا بَسُوجِ                               تِنِ کوچیک زَنایِ قَبا بَسُوجِ
وَنگ زَمِّ مِن گِمِ دِنیا بَسُوجِ                                     شاگرد چَر وِینِ ناروا بَسُوجِ
۹۷.
وَچِه ویمِ آخون مِنِ چُو زُواِ                                           گَت بَویمِ دِنی مِنِ لُو زُواِ
کیجای دَسِّ سُو مِنِ سُو زُواِ                                        مارِ وَر گِتِ نَشُو اَبرو زُواِ
۹۸.
مِه بیمو اِ ویشِه یِ دَم دَر آیتِ                                 اُوندا کِو خُونِسِّ کِرِ سَر پَر آیتِ
دِل بُوردِ بَسُوتِ شَ دِلبَر آیتِ                                   نیما شِنِ بَخوانسَنِ سَر آیتِ
(آیتِ: هایتِه)
۹۹.
گِل بَچیمِ می گِل گِلِ وِهار وِ                                      خَنِّه زُو اِ خُجیر کِی وِ مِ یار وِ
پِش بُوردِمِ هَر چَن کِو اَتّا بار وِ                                    مِ دَسِّ بَچی گِل بَخُوشتِ خار وِ
۱۰۰.
وِهار بیمو وِ چَم بَوِ مِ پَردِه                                           شُورِم بَایتِ واش هاکِردِ چَردِه
وِشکِتِ هَردِه مِ لتکایِ هَردِه                                       کیجا بُوتِ نِینِ تُو هارشی مَردِه
۱۰۱.
مِن کاچِ وَرِ قَرمِز جِمِه تَلی مِ                                       چاشنی نَخُوردِ گَدا رِ مِن هَلی مِ
اُوندَم کِو مِن بَخُوشتِمِ شیرین مِ                                     خُونِسِّه یِ وِهاروُنِ کِلی مِ
۱۰۲.
شُو لَس هادِه شِ اَسپِ راهوارِ                                 نَهیب نَدِه شِ پِش پِشی سوارِ
بِل بافِسَم مِ چِش شِ خُو رِ                                 دارِ نَوینِم تِ کَئو دیمِ روزگارِ
۱۰۳.
جونی دَر شُونِ وِنِ وِهار کُو مِ                                      چِش کِو اَسری شَنِّ لاله زار کُو
گُو بیمو اِ گُوگُون بیمو گُودار کُو                                       کِلِم بُوشامِ اسب بیمو سوار کُو
۱۰۴.
کیجا بُوردِ کِو نُن هادِ شِ مارِ فِک دارِ                                   بِن هَماسی ریش دارِ
بُوردِ بیمو بَدیِّ کارُ بارِ                                                        وَنگ هادا کی کَت کَتِ پِی دیارِ
۱۰۵.
نیمامِ مِن، مِ نُوم نُومِ نِماوَر                                  گُردِ گَردُون تهمتنِ دِلاوَر
شیرِ شیرون رستمدارِ سَروَر                               وِنِ ریکا اِتی کِو مِن نُوم آوَر
۱۰۶.
اِسّا بیمو کِو پِی بَایرِ گِل کُو                                      کیجا مِ وَر مِنِ اِشنِ مِ دِل کُو
یارُون نیمایِ تَش بَکُوشتِ وِ فِل کُو                               تُوسُّونِ پِی مِ زَمیِّ حاصِل کُو
۱۰۷.
کیجا خوارِ کِو اِینِ دُوشنِ گُو رِ                                         نِمُونِّ شِنِ چَکِ پاِ بِلُورِ
اِشنی وِ رِ وی هیچ چی نُونِ تُو رِ                             کَشِه زَنّی خَنِّه کِنِّ صَبورِ
۱۰۸.
عاشِق نئیِ اُون کِو گِنِ یار دارمِ                                   عاشِق نئیِ اُون کِو گِنِ بار دارمِ
عاشِق مِمِّ کِو سیف جار دارمِ                                           شُومِ وِ وَر کَرادِ خار دارمِ
۱۰۹.
کیجا ساره فَرنگی رِ مُونِسِّ                                        مِ وَر نیشتِوِ امیری خُونِسِّ
گِنی مِ دِلِ دردِ وی چُونِسِّ                                       وِ دِل خواسِ مِن گِمِ وی دُونِسِّ
۱۱۰.
صباحی سَر دِریو بَوی طلاهی                                   اُویِ دِلِه زنجیر بَنِسُّ ماهی
بَزُونِنِ تخت وُ بِشتِنِ صراحی                                      خیال مِنی اُنجه هاکردِ شاهی

 

 

 

 

از همین مجموعه:
  تمامی حقوق متعلق به وبسایت رسمی نیما یوشیج است. 2017 - 2012